Իրանը պատրաստ է ԱՄՆ-ի հետ բանտարկյալների փոխանակման գնալ «բոլորին՝ բոլորով» սկզբունքով: Այդ մասին երկուշաբթի հայտարարել է Իրանի կառավարության պաշտոնական ներկայացուցիչ Ալի Ռաբիին:
 
«Մեր սկզբունքն է՝ (փոխանակումը) բոլորին՝ բոլորով: Մենք առաջվա պես դա ենք պնդում», - ասել է Ռաբիին մամուլի ասուլիսի ընթացքում, հավելելով, որ Իրանի իշխանություններն ուրախ են կայացած փոխանակումից: 
 
Նրա խոսքով՝ Իրանը, ելնելով մարդասիրական նկատառումներից, համաձայնել է ազատ արձակել ամերիկացի ուսանողին:
 
Փոխանակման գործում իր դերն է խաղացել նաև ամերիկացի նախկին պաշտոնյան, որն Իրանին ուղերձ էր հղել դրա վերաբերյալ, հավելել է Ռաբիին, սակայն չի նշել նրա անուն:

 

Published in Աշխարհում
Posted On Երկուշաբթի, 09 Դեկտեմբերի 2019 13:40

«Հայաստան» համահայկական հիմնադրամի հեռուստամարաթոնին նվիրաբերվել է 9 մլն 856 հազար 100 ԱՄՆ դոլար:

Անցյալ տարի՝ «Հեռուստամարաթոն 2018»-ի ընթացքում հանգանակվել էր շուրջ 1.3 մլն դոլարով ավելի՝  11 մլն 109 հազար:

Այսօր՝ նոյեմբերի 28-ին «Հայաստան» համահայկական հիմնադրամն անցկացնում է ազգային նվիրատվության 22-րդ հեռուստամարաթոնը՝ «Ես իմ անուշ Հայաստանի․ կենարար ջուր և արև համայնքներին» խորագրի ներքո: 12-ժամյա համահայկական միջոցառման առաջին 4 ժամն այս տարի կանցկացվի Երևանում, իսկ հաջորդ 8 ժամը կհեռարձակվի Լոս Անջելեսից։

«Հեռուստամարաթոն-2019»-ի ընթացքում հավաքված միջոցները կնպատակաուղղվեն խմելու ջրի մատակարարման և արևային էներգիայի կիրառման ծրագրերի իրականացմանը Արցախում, ինչպես նաև Հայաստանի երեք մարզերում՝ Տավուշ, Լոռի և Շիրակ։ Ընդհանուր առմամբ հարյուրից ավել համայնքներ կդառնան ծրագրերի շահառուներ և կապահովվեն շուրջօրյա ջրամատակարարմամբ, անվճար ջեռուցմամբ ու էլեկտրաէներգիայով։

23:25

Այս պահի դրությամբ հեռուստամարաթոնը հանգանակել է 1 մլն 377 հզր 949 ԱՄՆ դոլար՝ առանց ԱՄՆ-ի արդյունքների:

00.23

 

Այս պահի դրությամբ հեռուստամարաթոնը հանգանակել է 2 մլն 635 հզր 439 ԱՄՆ դոլար՝ առանց ԱՄՆ-ի արդյունքների:

02:36

Այս պահի դրությամբ հեռուստամարաթոնը հանգանակել է 7 մլն 012 հզր 695 ԱՄՆ դոլար՝ առանց ԱՄՆ-ի և Հարավային Ամերիկայի արդյունքների:

Posted On Ուրբաթ, 29 Նոյեմբերի 2019 07:44

Հռոմի պապ Ֆրանցիսկոսը հայտարարել է, որ համաշխարհային առաջնորդները պետք է պահպանեն միջուկային զենքի չտարածման պայմանավորվածությունը: Այս մասին հաղորդում է TASS-ը: Այդ հայտարարությամբ նա հանդես է եկել ճապոնական Նագասակիում, որտեղ 1945 թվականին միջուկային ռումբ են նետել:

 

Հովվապետի խոսքով՝ քաղաքական առաջնորդները պետք է պահպանեն այդ սկզբունքները, որոնք երաշխավորում են զինաթափում և չտարածում, այդ թվում՝ Միջուկային սպառազինության արգելման համաձայնագիրը:

 

 

 

«Քաղաքական առաջնորդներին խնդրում եմ չմոռանալ, որ այդ զենքը չի կարող պաշտպանել ո՛չ ազգային անվտանգության, ո՛չ միջազգային կայունության սպառնալիքներից»,- ասել է Ֆրանցիսկոսը:

 

Նա նաև նրանց կոչ է արել հրաժարվել անվստահությունից և նախազգուշացրել սպառազինության նկատմամբ վերահսկողության միջազգային համակարգի հնարավոր կործանման մասին:

 

Posted On Կիրակի, 24 Նոյեմբերի 2019 18:05

Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Էլ.փոստ` artsakh1in@gmail.com

Նորություններ

Բաժանորդագրվեք մեր նորություններին: Բաց մի թողեք որևէ նորություն կամ պատմություն:

Մենք սպամ չենք ուղղարկում