Արցախի հեռահաղորդակցային օպերատոր «Ղարաբաղ Տելեկոմ»-ի մասին, ինչպես հանգուցյալի, կամ լավը պետք է խոսել, կամ ոչինչ: Այստեղ քննադատական խոսքը ծանր են տանում: «Ղարաբաղ Տելեկոմ» ՓԲԸ դուստր ձեռնարկությունը՝ «ՎիվաՍելը», հայաստանյան մամուլում սիրում է գովազդներ տեղադրել, հոլովակներ նկարել, թե ինչպես է ընկերության տնօրեն Ռալֆ Յիրիկյանը աղքատներին տներ բաժանում, չեզոքացնելով քննադատող հրապարակումների վտանգը հայաստանյան ԶԼՄ-ներում:

Արցախում էլ «Ղարաբաղ Տելեկոմ» ՓԲԸ-ին օգտվում է իշխանության պաշտպանությունից: Ապրիլի, օրինակ, նկատի ունենալով  «Ղարաբաղ Տելեկոմ» ՓԲԸ-ի մատուցած ծառայությունների ցածր որակը, լսումներ պետք է կայանային Արցախի խորհրդարանում, սակայն ԱԺ նախագահ Աշոտ Ղուլյանը, որը նաև Արցախի  նախագահի թեկնածուներից է, տապալեց այս լսումները, հայտարարելով, որ «Ղարաբաղ Տելեկոմ» ՓԲԸ-ի տնօրեն Կարեգին Օդբաշյանը չի ցանկանում այս ձևով քննարկում լինի, ուստի քննարկումը փակ է լինելու:

 Եւ հանկարծ հայաստանյան լրատվամիջոցներից մեկը՝ «Լրագրողներ հանուն մարդու իրավունքների» կազմակերպության Forrights.am կայքը հանդգնում է գրել, որ Արցախի բնակչությունը, ինչպես նաև այն տեղ ծառայող զինվորներն ու նրանց ընտանիքները դժգոհ են բջջային կապի գներից, որակից, որ Արցախում մարդիկ ընդվզում են բջջային կապի միակ տիրակալի դեմ, որ այնտեղ մի ամբողջ հասարակական շարժում է ձևավորվել՝ «Ալօ» նախաձեռնությունը, որը պայքարում է ընդդեմ «Ղարաբաղ-Տելեկոմ» ընկերության թալանի, համախմբում է մարդկանց, ի մի է բերում նրանց բողոքները:

Եւ ահա ընկերությունը ի դեմս մամուլի խոսնակ Արթուր Գրիգորյանի դեկտեմբերի 2-ին artsakhpress.am կայքին տված հարցազրույցում  վատաբանում է, զրպարտություն ու հերյուրանք է տարածում Forrights.am-ի վերաբերյալ: Արթուր Գրիգորյանը, հանդիսանալով «Ղարաբաղ Տելեկոմի», կամ ինչպես Արցախում են ասում,

«ԿՏ»-ի խոսնակ, իհարկե, ի պաշտոնե պարտավոր է պաշտպանել հարազատ ընկերությունը, չհամաձայնվել ժողովրդի կարծիքի հետ, որ այն իսկական չարիք է դարձել բնակչության գլխին, որ այն թալանում է մարդկանց և առաջին հերթին Արցախի սահմանները պահպանող զինծառայողներին: Օրինակ, նա ասում է. «ՊԲ զինծառայողների համար ամիսներ ի վեր գործում է «Հզոր Բանակ» սակագնային փաթեթ, երբ կարող ես 240ր խոսել Արցախի և ՀՀ աբոնենտների հետ՝ րոպեն 11.03 դրամով: Գումարած SMS-ները»:

Սակայն չի ասում, որ «Հզոր Բանակ» փաթեթի համար պետք է ամսական 3200 դրամ վճարել: Այն  ներառում է 120 րոպե դեպի Արցախ  և 120 րոպե դեպի ՀՀ բջջային ցանցեր և ունի 30 օր վավերականության ժամկետ: Արցախցի զինվորին պետք չի Հայաստան զանգել, և նա օգտագործում է միայն 120 րոպեն: Հայաստանցի զինվորն էլ չի օգտագործում դեպի Արցախ զանգերը, այսինքն, նա նույնպես օգտագործում է ընդամենը 120 րոպեն: Արդյունքում ստացվում է, որ 3200 դրամով «Հզոր Բանակ» փաթեթի բաժանորդները գնում են ընդամենը 120 րոպե, իսկ դա նշանակում է, որ 1 րոպեի գինը ոչ թե 11,3 դրամ է, ինչպես ներկայացնում է «ԿՏ»-ի խոսնակը, այլ 26, 7: Բացի դա, եթե բաժանորդը 30 օրից չվերալիցքավորի հաշիվը, ապա 30 րոպեից քարտը երկկողմանի անջատվում է:

Այսպիսի ստորացուցիչ պայմաններ հայկական տիրույթում աշխատող բջջային օպերատորներից ոչ մեկը չունի: Իսկ 11,3 դրամ/րոպե գինը «ԿՏ»-ի խաբեություններից մեկն է, որոնց պատճառով ընկերությունն այս վաղուց կորցրել է վստահությունը Արցախում ու Հայաստանում, և անգամ այս ընկերության կնքահայրը համարվող Արցախի նախկին վարչապետ Արայիկ Հարությունյանը բջջային  կապն է համարում  է հանրապետության  ամենամեծ խնդիրը:

Մամուլի խոսնակի այս մանր խաբեությունները, զրպարտությունների և մեր հասցեին «սեփական շահ» հետապնդելու մեջ չհիմնավորված, մերկապարանոց պնդումների համար խոսնակը աշխատավարձ է ստանում «Ղարաբաղ Տելեկոմ» ընկերությունից և դրա տնօրեն Կարեկին Օդբաշյանից: Եւ քանի որ մամուլի խոսնակը պատկերավոր ասած. իր ղեկավարի «շուրթերն» է, որը պաշտոնապես արտահայտում է ղեկավարության  կարծիքը, հետևապես համարում ենք, որ «Ղարաբաղ տելեկոմ» ընկերթյան տնօրեն Կարեկին Օդբաշյանը պարտավոր է ներողություն խնդրել Forrights.am կայքից և իրավապաշտպան Ժաննա Ալեքսանյանից իր խոսնակի արած հետրևյալ արտահայտության համար.

«Այդ կայքը ստեղծել է մի հ/կ, որի ղեկավարը, ըստ «օդում կախված լուրերի», իրավապաշտպան գործունեության ծածկոցի տակ, բազմիցս թիրախավորել է հայկական Զինված Ուժերը՝ Բանակին հանիրավի վերագրելով մահացու մեղքեր, տարբեր միջադեպերով նախքան պաշտոնական եզրակացություններ ստանալը՝ իրավիճակները մեկնաբանել ընդդեմ զինվորական ղեկավարության: Կարող եք ճշտել ՊՆ պատասխանատուներից»:

Եթե Օդբաշյանը ներողություն չխնդրի մեր կազմակերպությունից, ապա մենք կհամարենք, որ նա իր խոսնակի այս հայտարարությամբ նա ևս  մեղսակից է դառնում խաղաղ պայմաններում զոհված զինվորների հարեին, չբացահայտված սպանություններին, և որ ուղղակի հրահանգներ է ստանում ՀՀ պաշտպանության նախարարության այն թևից, որը տարիներ շարունակ աչք փակելով հայկական բանակում  տիրող հանցավոր բարքերի և կոռուպցիայի վրա, նպաստել է սպանությունների կոծկմանը:

Ինչ վերաբերում է «ԿՏ»-ի բջջային կապի համար սահմանած գներին, ապա մնում  ենք մեր այն համոզմունքին, որ ընկերությունն այս թալանում է արցախցիներին ու Արցախում ծառայող հայաստանցի զինվորներին:

Սյուզան Սիմոնյան

http://forrights.am/

Posted On Ուրբաթ, 06 Դեկտեմբերի 2019 13:37

ՀՀ –ում  տեղի ունեցած հեղափոխությունից հետո  կրքերը թեժանում են նաեւ Արցախում. մոտենում է ԱՀ 2020 թ-ի կայանալիք ընտրությունները:Եւ դա փաստում է ,որ ժողովուրդը մտահոգված է  իր ապագայով: Քննարկումները թեժանում են նաև ԶԼՄ-ներում:

Արցախի 1-ի  տաղավարը հյուրընկալել է ԱրՊՀ-ի նախկին դասախոս Արտուր Օսիպյանին, ում խոսքով չնայած նրան որ մարդիկ հոգնել են քաղաքականությունից, բայց համենայնդեպս դրա մասին է գնալու խոսքը:

- Հիմա իրավիճակը նախկինի պես ստանդարտ չէ: Սա առաջին անգամ է, երբ չգիտենք , թէ ո՞վ է լինելու նախագահը: Ներքաղաքական իրավիճակում խառնաշփոթ է,- ասաց պ-ն Օսիպյանը:

 - Ժողովուրդը հիմա կողմնորոշված չէ: Տարբերակներ են առաջարկում , թե ո՞վ լինի նախագահը , սակայն չկա խնդրի լուծման կոնկրետ ձև, եթե լիներ , ապա մեր ժողովուրդը ոտքի կկանգներ, ինչպես  1988թ-ն, երբ մի նպատակի շուրջ համախմբված կանչում էր միացում:  Մեր ժողովուրդը դուխի խնդիր չունի: 

 Հարցին, թե իր կարծիքով համակարգային   ի՞նչ փոփոխությունների  մասին է խոսքը, որի մասին խոսում են գրե թե բոլոր պաշտոնյաները,

պ-ն Օսիպյանը պատասխանեց, նայած թե ինչ ոլորտի մասին է խոսվում: Եթե տվյալ  պաշտոնյանները ի նկատի ունեն ընդհանուր առմամբ, համակարգային փոփխությունները ապա հարկ է խոսել Սահմանադրությունից:

-Մեր Սահմանադրությունը <<վզի փաթաթած>> Սահմանադրություն է,-ասաց պ-ն Օսիպյանը , հավելելով , որ ժողովուրդը մեղք չունի , քանի որ պետական քարոզչամեքենան , որի մասն է կազմում Արցախի հանրային  հեռուստատեսությունը ՝  պետք է օբյեկտիվորեն ներկայացնի իրականությունը, լուսաբանի հակառակ կողմերի կարծիքները, այլ ոչ թե մեկինը:

            ՀՀ-ի  և ԱՀ իշխանությունների մեջ եղած  լարվածությունը կարո՞ղ է արդյոք ազդել  2020 թ-ին կայանալիք ընտրությունների վրա , Ա. Օսիպյանը պատասխանեց , որ լարվածության պատճառը  ՀՀ-ում  տեղի ունեցած թավշյա հեղափոխությունն Է, որն  այժմ ընդհանում է նաև Ղարաբաղում: 

- Եթե հեղափոխությունը Ղարաբաղում կրվեց , ինչպես Աբովյանում, ապա դա որոշակի դժվարություններ կստեղծի թե՛ ՀՀ-ի  , թե ՛ Արցախի ժողովրդի համար,

- ասաց Օսիպյանը, նշելով , որ դրա հավանականությունը այդքան բարձր չէ և ինչ որ լուծում  անպայման կգտնվի:

Խոսելով ՀՀ-ի իշխանության բացթողումների մասին , պ-ն Օսիպյանը առանձնացրեց Արթուր Վանեցյանի հրաժարականը ու նրանց ներթիմային խնդիրները: Սակայն  նրա կարծիքով այդ ամենը նորմալ է,  և ոչ մի արտառոց բան չկա:

- Կոպիտ սխալ կլինի Ղարաբաղի հարցում տարածքային զիջումներ, որ չկա ու չի էլ լինելու: Հատկապես Լավրովի հայտարարությունից հետո, նշեց Օսիպյանը: 

Արթուր Օսիպյանի կարծիքով երկրի կարևոր և լուրջ խնդիրների լուծումը հնարավոր է միայն համաժողովրդական պայքարի միջոցով: Սակայն գիտենք,  որ ժողովրդի մեջ կա մտավախություն , որ նման հանրահավաքների ժամանակ կարող է լինել անօրինական գործողություններ ուժային կառույցների կողմից, դրա հավանականության ու իր քաղաքական ակտիվության ժամանակ եղե՞լ է արդյոք նման անվայել վերաբերմունք հարցին,  

պ-ն Օսիպյանը պատասխանեց , որ մինչև հեղափոխությունը եղել է, սակայն հեղափոխությունից հետո Արցախի իշխանություննեը այդ հնարավորությունից զրկված են

Ըստ հայտարարության ստեղծվում է  նոր <<Արցախի հեղափոխական կուսակցություն>>, որի հիմնադիրներից մեկը հենց ինքն է : Ներկայիս քաղաքական վիճակը ճիշտ լուծման դեպքում  գնահատելով դրական Ա. Օսիպյանը նշեց , որ իրենց թիմը ունի և՛ գաղափարներ, և՛ ծրագրեր տվյալ հարցերը լուծելու համար:

 

- Բավական է լինի միայն մեկ կազմակերպված ուժ , որը կկարողանա ժողովրդի բողոքները , մտքերը ձևակերպի , գտնի այդ պրոբլեմների հիմքը ու լուծումներ, որից կբուժվի ժողովրդի սոցիալ- տնտեսական դաշտը, մինչև վերջնական կունենանք առողջ հասարակություն, պինդ ու կայուն երկիր: -, նշեց պ-ն Օսիպյանը: 

Հարցին եթե ինքը լիներ նախագահ՝ առաջինը , ո՞ր հարցին ուշադրություն կդարձներ, Ա. Օսիպյանը ասաց , 

- Որ նախագահ դառնալու մտադրություն  չունի, սակայն ունի ծրագիր , որով կարճ ժամանակում կարելի է լուծել  շատ խնդիրներ, բայց անհրաժեշտ է սկսել սոցիալ-տնտեսականն դաշտից:

Մանրամասն տեսանյութում:

Facebook

 

 Youtube

 

Posted On Ուրբաթ, 06 Դեկտեմբերի 2019 13:10

 

Անդրադառնալով նախօրեին Արցախի ԱԳ նախարարի հետ Երևանում ունեցած հանդիպմանը՝ նախարար Մնացականյանը ևս մեկ անգամ ընդգծել է Արցախի իշխանությունների ուղիղ ներգրավման անհրաժեշտությունը, հատկապես կարգավորման բովանդակային հարցերի շուրջ: Այդ պարբերությունը Բրատիսլավայում Մնացականյան-Մամեդյարով հանդիպման վերաբերյալ Հայաստանի արտգործնախարարության հաղորդագրությունից է, առանձնահատուկ հանգամանք դրանում:

Առանձնահատուկն այն չէ, որ նշվում է Արցախի բանակցային կողմ լինելու անհրաժեշտության մասին: Առանձնահատուկը տվյալ դեպքում այն է, որ Ադրբեջանի արտգործնախարարի հետ հանդիպմանը Հայաստանի արտաքին գործերի նախարարը խոսում է Արցախի արտգործնախարարի հետ հանդիպման մասին: Հարցրե՞լ են համանախագահները կամ Մամեդյարովը այդ առնչությամբ, թե՞ նախաձեռնությունը Զոհրաբ Մնացականյանինն է, էական տարր է իհարկե, սակայն առանցքային է այն, որ նախարարական մակարդակի հանդիպման ընթացքում խոսվում է Հայաստանի եւ Արցախի արտգործնախարարների հանդիպման մասին, որ Երեւանում տեղի ունեցավ Բրատիսլավայի շեմին:

Ավելին, արտգործնախարարները միմյանց հետ հանդիպումից բացի, հանդիպեցին նաեւ Հայաստանի վարչապետ Փաշինյանի հետ, որի ժամանակ, բացի արցախյան գործընթացից, խոսվել է նաեւ Արցախի նախագահի ընտրության մասին, այդ թվում արցախյան հարցում հայկական կողմի շահի համապատկերում:

Ացախի համապետական ընտրությունը որպես քաղաքական գործընթաց կարող է ստանալ յուրօրինակ ճանաչում կարգավորման գործընթացի շրջանակում, որը նոր տրամաբանության ազդակներ կարող է ստանալ իր հերթին Ադրբեջանում տեղի ունեցող ներքաղաքական վերափոխումների եւ ներհամակարգային իշխանափոխության ֆոնին:

Դե ֆակտո, թե Արցախում, թե Ադրբեջանում ընթանում է նոր իշխանության ձեւավորման գործընթաց: Արցախում այն տեղի է ունենում ժողորդավարա-իրավական տրամաբանության եւ կանոնների շրջանակում, Ադրբեջանում՝ այդ երկրին բնորոշ ամբողջատիրա-խանական համակարգի: Բրատիսլավայի հանդիպման վերաբերյալ հայկական կողմի հաղորդագրության տողատակում նշմարվում է, որ այդ գործընթացների մակարդակում կա որոշակի անուղղակի փոխազդեցություն-հաղորդակցություն:

Խոշոր հաշվով, նոր իշխանության ձեւավորման գործընթացոմ գտնվող Ստեփանակերտն ու Բաքուն աշխատում են կարգավորման գործընթացում զբաղեցնելիք տեղի եւ դիրքի շահեկանության ու տարածականության համար:

Այստեղ է հատկանշական Հայաստանի վարչապետ Նիկոլ Փաշինյանի հայտարարությունը, որ Արցախի հարցում Հայաստանի նոր իշխանությունը ավարտել է դիրքավորումը, լուծելով նոր ասելիքի եւ դրա ամրապնդման խնդիրները հայկական շահի ու անվտանգության շրջանակում: Հայաստանում թավշյա հեղափոխությունը Հայաստանին օգնեց առաջ անցնել, թեեւ դրա ջանքը փորձեց կատարել Իլհամ Ալիեւը՝ վեց ամիս առաջ բերելով հերթական նախագահական ընտրությունը 2018 թվականին:

Բաքուն այժմ փորձում է արդեն հետ չմնալ Արցախի դիրքավորումից:

 
Posted On Հինգշաբթի, 05 Դեկտեմբերի 2019 10:57

 

Դեկտեմբերի 2-ին Artsakhpress.am կայքով ՂՏ-ը տարածել էր նյութ, որտեղ ապակողմնորոշել է հանրությանը:

 Եվ հերթական սուտ տեղեկություններ է տարածել ԱԼՕ շարժման մասին

 - Եկեք տարանջատենք կյանքն ու ֆեյսբուքը: Իրական կյանքում կան իրական խնդիրներ ու լուծումներ, վիրտուալում, ցավոք նաև՝ միայն սեփական շահեր հետապնդող ֆեյք նյուզ: Հիմա հայտնվել է մի կետ, որտեղ նշված կայքի և «Ալօ»-ի շահերը համընկել են՝ «Բանակ-կապ-հեռահար նպատակներ» եռանկյունում: Ինչ է արել forrights.am-ը

 Մենք փորձել ենք իմանալ ՂՏ-ից, թե ինչ ինիկատի ունեն սեփական շահ ասելով: Բնականաբար պատասխան չի եղել և մեզ առաջարկել են այդ հարցը ուղղարկել նամակով, պատճառաբանելով, թե չեն ճանաչում ում հետ են խոսում, այն ինչ ցանկացած քաղաքացուն պարտավոր են պատասխանել իրենց գրածների համար:

 Հիմա հարց է առաջանում, եթե հեռախոսով չեն ճանաչում ԱԼՕ նախաձեռնության կարգավորող Մհեր Պողոսյանին և առաջարկում են հարցը էլեկտրոնային փոստով ուղղարկել, ապա ինչպես պիտի ճանաչեն էլեկտրոնոյին փոստով:

Ըստ մեզ, հանրությանը ուղվող ցանկացած նյութ պարտավոր են պարզաբանել նյութ տարածողները: Բնականաբար մենք էլեկտրոնային փոստով չենք ուղղարկի, քանզի անպատասխան են մնացել մեր բազմաթիվ նամակները ԱԼՕ շարժման կողմից և պարզ երևում է, որ ՂՏ-ն իր հերթական սուտն է տարածել հանրությանը ապակողմնորոշելու համար:

Հեռախոսազանգի ձայնագրությունը

 

Posted On Չորեքշաբթի, 04 Դեկտեմբերի 2019 09:01

Հայաստանի և Արցախի միջև զանգերն իրականացվում են ռոմինգ ծառայության միջոցով, մեկ րոպե խոսելու համար վճարելով 45 դրամ: 

Զինվորի հեռախոս լիցքավորելը մեծ գումարներ է տանում ընտանեկան բյուջեից: Ըստ

Forrights.am-ի հարցման արդյունքների,  միջին եկամուտ ունեցող ընտանիքները զինծառայող զավակի հետ բջջային հեռախոսով խոսելու  համար  ամսական  ծախսում են միջինը 10 հազար դրամ:

Այս խնդրին Forrights.am-ը անդրադարձել էր «Արցախի բջջային օպերատորները թալանում են հայաստանցի զինծառայողների ընտանիքներին» վերնագրով հոդվածում:

Մեր հրապարակմանը կոշտ արձագանքել է «Ղարաբաղ Տելեկոմ» ընկերությունը, մեզ մեղադրելով պրոֆեսիոնալիզմի բացակայության ու սուտ տեղեկություններ տարածելու համար: Ընկերությունն այս , որը նույն «ՎիվաՍել» ապրանքանիշի տերն է, թեև սովորաբար չի շեշտում իր և «ՎիվաՍելի» կապը, հանդես է եկել պարզաբանմամբ, որում հայտնում է, որ զինծառայողների համար գործում է «Հզոր Բանակ» փաթեթը,  որտեղ ՀՀ և Արցախ զանգերի համար սահմանված է մոտ 11դր/ր հատուկ սակագին:

Իրականում այս փաթեթի մասին ոչ միայն մենք, այլ որևէ զինծառայող տեղյակ չէ: Այս ծառայությունը պարզապես բլեֆ է:

 Արցախում մի ամբողջ շարժում է ձևավորվել «ԱԼՕ» /«Աշխարհի լավագույն  օպերատոր»/, որը պայքարում է ընդդեմ «Ղարաբաղ-Տելեկոմ» ընկերության թալանի: Այս խմբին բազմաթիվ արցախցիներ են դիմում և իրենց դժգոհությունն են հայտնում կապի ու ինտերնետ ծառայությունների որակի, գների  կապակցությամբ:

Խմբի համակարգող Մհեր Պողոսյանը կապ հաստատեց Forrights.am-ի հետ և մեզ տրամադրեց տեսանյութեր, որոնցում  մարդիկ դժգոհություններ են հայտնում  «Ղարաբաղ Տելեկոմից»: 

Այսպես, տեսանյութերից մեկում զինծառայողը խոսում է այն մասին, որ Արցախում ծառայող զինվորները մի քանի անգամ շատ են վճարում բջջային կապի համար, քան նրանք, ովքեր ծառայում են Հայաստանի զորամասերում:

Ստեփանակերտում բնակվող ուսուցչուհին, օրինակ,  ասում է, որ այն շենքում, որտեղ ինքը բնակվում է՝ Մաշտոցի 4 հասցեում, իրեն չեն տրամադրում ինտերնետ ծառայություն, ասելով, որ «տեղ չկա», արդյունքում նա չի կարողանում համացանց մտնել և կատարել իր աշխատանքային պարտականությունները, օրինակ, տեղեկացնել երեխաների ծնողներին, թե ինչ հանձնարարություններ է տվել աշակերտներին:

Տեսանյութերից մյուսում էլ «Ղ-Տելեկոմի» նախկին աշխատակիցը պատմում է, որ իրեն ազատել են աշխատանքից միայն  այն բանի համար,  որ չի խաբել հաճախորդին ու պարզ բացատրել է, որ մալուխային ինտերնետ-կապը ավելի էժան է ու որակով:

Մեկ այլ տեսանյութում էլ Կարմիր Շուկա համայնքի բնակիչները բողոքում են, որ «Ղարաբաղ Տելեկոմ» ընկերությունը պարտադրում է  մարդկանց ամսական 3000 դրամի լիցքավորում կատարել, և եթե նրանք չկատարեցին, ապա համարը անջատում են, կամ, ինչպես Երևանում են ասում ՝ քարտը «վառվում» է:

«Մենք` ԱԼՕ նախաձեռնող խմբի անդամներս, մտահոգ ենք Արցախի կապի ոլորտում տիրող իրավիճակով, մատուցվող ծառայությունների որակով և սակագներով, ինչպես նաև այն հանգամանքով, որ 2002թ-ից «Ղարաբաղ -Տելեկոմ» ընկերությունը գործունեություն սկսելով մեր հանրապետությունում չհիմնավորված գնային քաղաքականություն է վարել տարիներ շարունակ, ինչը  պետական և տեղական ինքնակառավարման մարմինների կողմից անտեսվել է: Քաղաքացիներին մատակարարելով ոչ պատշաճ և անորակ կապ, ՂՏ ՓԲԸ-ը` ստացել է գերշահույթներ՝ դիմելով տարբեր տեսակի մեքենայությունների:

Վերլուծելով նախորդ տարիների փորձը մենք նախաձեռնել ենք շարժում, որը պայքարում է կապի ոլորտում մենաշնորհի վերացման, մրցակցության պայմանների ստեղծման համար, կապի և համացանցի որակի բարելավման և սակագների իջեցման ուղղությամբ: Նաև նպատակ ունենք ստեղծել հանրային վերահսկողության մեխանիզմներ կապի որակը բարձրացնելու վերաբերյալ: Մարդիկ մեզ հրավիրում են գյուղեր, համայնքներ են հրավիրում, որ գնանք լուսաբանենք, լսենք իրենց: Նրանք չգիտեն, թե ինչ անեն», — ասում է Մհեր Պողոսյանը:

«ԱԼՕ» նախաձեռնութունը ստորագրահավաք է կազմակերպել «բջջային» թալանը դադարեցնելու պահանջով: Կապից դժգոհ արցախցիների բողոքները հավաքում է, տեսանյութերը տեղադրում է համացանցում:

«Հազարավոր մարդիկ իրենց դժգոհորթյորններն են հայտնում, պաստառներն են կպցնում իրենց խանութներին, ավտոմեքենաների վրա, ուրիշ էլ ո՞նց արտահայտվեն», — հարցնում է Մհեր Պողոսյանը:  Նրա «ԱԼՕ» խումբը պահանջում  է, որ զինծառայողների համար կապի ծառայությունն անվճար լինի:Հարցին, թե արդյոք նա հանդիպել է «ՎիվաՍել»-ի տնօրեն Ռալֆ Յիրիկյանի և «Ղարաբաղ Տելեկոմի» գլխավոր տնօրեն Գարեգին Օդաբաշյանի հետ, նա պատասխանեց. «Մենք ոչ մեկի հետ էլ ցանկություն չունենք շփվելու, մենք պահանջում ենք արդարացի գին և որակյալ կապ»:

Մհեր Պողոսյանը արցախցիներից շատերի նման չի հավատում կապի ոլորտում մենաշնորհը վերացնելու մասին կառավարական խոստումներին, դրանք համարելով նախընտրական հնարքներ: Նա հիշեցնում է, որ դեռ 2018 թվականին հայտարարում էին, որ «Ղարաբաղ Տելեկոմ»-ի մենաշնորհը վերացվում է, և Հայաստանի օպերատորներին հրավիրել են Արցախ: Սակայն խոստումները չիրականացան:

Սյուզան Սիմոնյան

Աղբյոււը - http://forrights.am/

ԱԼՕ Facebook - https://www.facebook.com/aloArtsakh

 
 
Posted On Ուրբաթ, 29 Նոյեմբերի 2019 18:46
Էջ 6, 7-ից

Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Էլ.փոստ` artsakh1in@gmail.com

Նորություններ

Բաժանորդագրվեք մեր նորություններին: Բաց մի թողեք որևէ նորություն կամ պատմություն:

Մենք սպամ չենք ուղղարկում